Birbankın ekosistemin partnyor şəbəkəsi departamentinin kredit məhsulları üzrə partnyorlarla iş şöbəsinin taksit partnyorları ilə iş bölməsinin fəaliyyətinin təkmilləşməsi və dayanıqlı əlaqələrin qurulması üçün aktiv və ünsiyyət bacarıqları yüksək olan namizəd axtarırıq. Partnyorlarımıza yüksək səviyyədə xidmət göstərmək əsas məqsədimizdir.

• Ali təhsil;
• Sahə üzrə müvafiq iş təcrübəsi (Bankda və ya digər təşkilatlarda partnyorlarla iş üzrə olması arzuolunandır);
• Ofis daxili və xaricində işləmək imkanı (ezamlar nəzərə alınmaqla);
• Kommunikasiya və təqdimat bacarığları;
• Bazar və satış məlumatlarını təhlil etmək, riskləri qiymətləndirmək bacarığı;
• Əla səviyyədə Azərbaycan dili biliyi, rus və ingilis dili isə arzuolunandır;
• Kompyuter biliyi: MS Office ilə işləmə bacarığı;
• Məsuliyyətlilik, komanda işi və dəyişən bazar tendensiyalarına uyğunlaşmaq kimi keyfiyyətlərin olması.

• İnkişaf imkanları
• Rəqabətli əmək haqqı və bonuslar
• Yüksək təminatlı sığorta
• Dəstəkləyici mühit
• Visa Premium əmək haqqı kartı
• Korporativ endirimlər
• Korporativ tədbirlər
• Əlavə məzuniyyət
• Güzəştli təhsil və işçi krediti

• Təyin olunmuş layihələr üzrə bazar araşdırması aparır, potensial mağaza və şirkətləri müəyyənləşdirir və əməkdaşlıq üçün hədəf siyahıları tərtib edir;
• Mövcud və potensial partnyorların fəaliyyətini, satış göstəricilərini və maliyyə sabitliyini təhlil edir, əməkdaşlıq dəyərini qiymətləndirir;
• Mövcud partnyorlarla əməkdaşlıq münasibətlərini idarə edir, qarşılıqlı faydalı biznes imkanlarını genişləndirmək üçün təkliflər hazırlayır və həyata keçirir;
• Təhkim olunmuş partnyor portfelinin inkişafı üçün aylıq/rüblük/illik planlar hazırlayır, icrasını izləyir və rəhbərliyə hesabat verir;
• Dəyişən bazar trendlərini və istehlakçı davranışlarını izləyir, partnyorlarla əməkdaşlığın inkişafını bu dəyişikliklərə uyğun istiqamətləndirir və adaptiv həllər təklif edir;
• Taksit əməkdaşlığı üzrə partnyorların məhsul və xidmətlərini təbliğ edən kampaniyaların planlaşdırılması və icrasında iştirak edir, satışların artımına dəstək olur;
• Regionlardakı partnyorlarla iş prosesini izləyir, ezamiyyətlərdə iştirak edir, regional bazar tendensiyalarını təhlil edir və inkişaf imkanlarını rəhbərliyə təqdim edir;
• Partnyorlar tərəfindən daxil olan kampaniya və əməkdaşlıq müraciətlərini qəbul edir, müvafiq struktur bölmələrə yönləndirir və icrasını koordinasiya edir.

Kapital Bank iş mühiti, əlavə fürsətlər və digər vakansiyaları görüntüləmək üçün Kapital Bank Life səhifəsinə keçid edin.

Vakansiyalardan daha tez xəbərdar olmaq üçün Telegram kanalımıza abunə olun!