Satış Meneceri

Biz Bakıda fəaliyyət göstərən 2 stomatoloji klinikanın satış göstəricilərini artırmaq üçün peşəkar satış meneceri axtarırıq. Pasiyentlərimizin əsas müraciət kanalı Instagramdır — gündəlik onlarca DM, story cavabı və reklam müraciəti daxil olur. Sizin vəzifəniz bu müraciətləri itirilmədən, düzgün mesajlaşma ilə görüşə, görüşü isə real pasiyentə çevirmək olacaq.

Əsas vəzifələriniz:

Instagram üzrə satış:

• Daxil olan DM-lərə maksimum 15 dəqiqə ərzində cavab vermək
• Hər müraciəti strukturlu söhbətə çevirmək — pasiyentin problemini anlamaq, düzgün xidməti təqdim etmək, görüş ayırtmaq
• "Qiymət nə qədərdir?" tipli sualları sadəcə cavablandırmaq deyil, söhbəti görüşə doğru yönləndirmək
• Story reaksiyaları, comment-lər və reklam leadlərini izləmək və cavablandırmaq
• "Düşünəcəm", "bahalıdır", "sonra yazaram" kimi etirazları peşəkarcasına idarə etmək

Telefon zəngləri:

• Maraqlanan lakin hələ qərar verməyən pasiyentlərə zəng edib konsultasiyaya dəvət etmək
• Zəngdə klinikanı inamlı şəkildə təqdim etmək, sualları cavablandırmaq
• Pasiyenti klinikaya fiziki gəlişə razı salmaq — bu sizin əsas KPI-nızdır
• Cavabsız qalan zənglərə mütləq geri dönmək, lead itkisinin qarşısını almaq

Ümumi:

• Hər müraciəti qeydiyyata almaq və nəticəsini izləmək
• Həftəlik: daxil olan müraciət sayı, görüşə çevrilmə faizi, itirilən leadlər üzrə hesabat vermək
• Uğurlu söhbət nümunələrini sistemləşdirərək skript bazasını inkişaf etdirmək

Sizdən gözlədiklərimiz:

• Instagram üzrə aktiv satış təcrübəsi — ən azı 1 il (DM vasitəsilə müştəri cəlbi)
• Telefonda güclü ünsiyyət bacarığı — həm dinləmək, həm inandırmaq, həm də istiqamətləndirmək bacarığı
• Satış psixologiyasını praktiki bilmək: etiraz idarəsi, güvən yaratma, doğru sual vermə texnikaları
• Sürətli və düzgün yazılı ünsiyyət — mesajınız həm mehriban, həm peşəkar olmalıdır
• Azərbaycan dilini mükəmməl bilmək, rusca ünsiyyət üstünlük sayılacaq
• Nəticəyə yönəlmiş düşüncə tərzi — işinizi rəqəmlərlə ölçə bilməlisiniz
• Tibbi, estetika və ya gözəllik sahəsindəki klinikada təcrübə — üstünlük sayılacaq

Biz sizə nə təklif edirik:

• Sabit maaş + hər uğurlu görüş üçün ayrıca bonus sistemi
• İki klinika üzrə geniş müraciət axını — çox lead, çox qazanc imkanı
• Daxili satış təlimləri, hazır skript bazası və davamlı dəstək

İş rejimi: Hibrid 
Ünvan: Sənan Kərimov 3. Xətai m/s. yaxınlığı, Xətai Residence