Satınalma üzrə təlimçi

Dövlət satınalmaları və tender üzrə təlimçi

Satınalma Academy komandamıza dövlət satınalmaları və tender istiqamətində peşəkar təlimçi axtarırıq.

Əgər dövlət satınalmaları sahəsində real praktiki təcrübəniz, qanunvericilik üzrə dərin bilikləriniz və bu bilikləri auditoriyaya sistemli və praktik şəkildə ötürmək bacarığınız varsa, sizi komandamıza qoşulmağa dəvət edirik.

Vəzifə öhdəlikləri

* Dövlət satınalmaları və tender mövzularında təlimlərin keçirilməsi;

* Təlim proqramlarının hazırlanması və mövcud proqramların təkmilləşdirilməsi;

* Mövzuların həm nəzəri, həm də praktiki aspektlərinin izah edilməsi;

* Real tender və satınalma nümunələri, situasiyalar və praktiki tapşırıqlar əsasında dərslərin təşkili;

* Müxtəlif səviyyəli auditoriyalar üçün təlim materiallarının hazırlanması;

* Dövlət satınalmaları sahəsində aktual qanunvericilik və praktikalardakı dəyişikliklərin izlənilməsi və təlim məzmununa inteqrasiya edilməsi;

* İştirakçıların suallarının cavablandırılması və praktiki istiqamətləndirilməsi;

* Təlimlərin keyfiyyətinin və iştirakçı məmnuniyyətinin artırılmasına töhfə vermək.

Namizədə tələblər

Dövlət satınalmaları və tender sahəsində minimum 2 il praktiki iş təcrübəsi;

Dövlət satınalmaları üzrə qüvvədə olan qanunvericilik və normativ tələblər haqqında dərin bilik;

Tender və satınalma proseslərinin praktiki tərəflərinə bələdlik;

Elektron satınalma prosesləri və müvafiq platformalarla işləmə təcrübəsi;

Satınalan təşkilat və/və ya təchizatçı tərəfdən satınalma proseslərində iştirak təcrübəsi;

Tender sənədlərinin, təkliflərin və digər satınalma sənədlərinin hazırlanması və qiymətləndirilməsi üzrə anlayış;

Mürəkkəb satınalma mövzularını sadə, sistemli və anlaşıqlı formada izah etmək bacarığı;

Auditoriya qarşısında təqdimat və təlim keçmək bacarığı;

Praktiki nümunələr və real situasiyalar əsasında işləmək bacarığı.

Üstünlük hesab olunur

Həm satınalan təşkilat, həm də təchizatçıtərəfdə təcrübənin olması;

Dövlət satınalmaları və tenderlər üzrə təlimçilik təcrübəsi;

Müvafiq sahə üzrə sertifikat və peşəkar təlimlər;

Dövlət qurumlarında və ya iri şirkətlərdə satınalma sahəsində iş təcrübəsi;

Fərqli səviyyəli auditoriyalarla işləmə təcrübəsi;

Təlim proqramını müstəqil şəkildə hazırlamaq və strukturlaşdırmaq bacarığı.

İş formatı

Online və əyani təlimlər

Təlim proqramının hazır struktura uyğun keçirilməsi və ya təlimçi tərəfindən hazırlanması mümkündür;

Əməkdaşlıq şərtləri və ödəniş qarşılıqlı razılaşma əsasında müəyyən edilir

Kimləri axtarırıq?

Biz yalnız nəzəri bilikləri olan deyil, real satınalma və tender proseslərini təcrübədə görmüş, öz təcrübəsini iştirakçılara praktik şəkildə ötürə bilən mütəxəssis axtarırıq.

Əgər biliklərinizi tədrisə çevirmək və peşəkar təlimçi kimi Satınalma Academy komandasında fəaliyyət göstərmək istəyirsinizsə, CV-nizi göndərin.

**Son müraciət tarixi:** 4 dekabr 2026

Mövzu hissəsində “Dövlət satınalmaları və tender üzrə təlimçi” qeyd etməyiniz xahiş olunur.