"Doğru Başlanğıc" Mentorluq Layihəsi - Qəbələ

"Doğru Başlanğıc" mentorluq layihəsi üzrə aktiv, həvəsli, məqsədyönlü, karyera yolunda doğru başlanğıc etmək arzusunda olan gənclər axtarışındayıq.

Layihə sizə qazandıracaq:

• Peşəkar mentorlar tərəfindən fərdi dəstək;
• Şəbəkələşmə və əlaqə imkanları;
• Karyera başlanğıcı və inkişafı üçün sizə lazım olacaq bilik və bacarıqların gücləndirilməsi.

Layihənin gedişatı:

3 ay müddətinə davam edəcək mentorluq layihəsi çərçivəsində seçilmiş namizədlər hər ay ayda 2 dəfə olmaqla ümumilikdə 6 dəfə mentorlarla görüşəcək, seçilmiş mövzular üzrə inkişaf istiqamətlərini müəyyən edəcək, həmin istiqamətlər üzrə mentorlardan dəstək alaraq gələcək iş həyatında lazım olan əsas bacarıqlara yiyələnəcəklər.

Mentorluq layihəsi ərzində aşağıdakı mövzulardan 3 mövzunun seçilməsi və üzərində işlənilməsi nəzərdə tutulub:

• Kommunikasiya
• Komanda işi
• Korporativ etika
• Problem həll etmə qabiliyyəti
• Vaxtın idarə edilməsi
• Tənqidi düşüncə
• Stresin idarə edilməsi
• Konfliktin idarə edilməsi

Öhdəliklər:

Müddət ərzində seçilmiş iştirakçılardan gözləntilərimiz nələrdir?

• Təyin edilmiş vaxtlarda mentorla görüşlərdə iştirak etmək;
• Mentorlar tərəfindən verilən tapşırıqların icrasında maksimum həvəsli olmaqdır.

Tələblər:

Kimlər müraciət edə bilər?

• ali təhsilli (tələbə və məzunlar),
• təşəbbüskar,
• inkişafa meyilli,
• məqsədyönlü region gəncləri.

Vakansiyalardan daha tez xəbərdar olmaq üçün Telegram kanalımıza abunə olun!