Vəzifə: Maliyyə meneceri-iqtisadçı

“2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı”

Dövlət Proqramı haqqında

Azərbaycan Respublikası Prezidentinin 2018-ci il 16 noyabr tarixli 711 nömrəli Sərəncamı ilə “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” təsdiq edilmişdir. Dövlət Proqramının icra istiqamətləri İdarəetmə Qrupunun fəaliyyəti, həmçinin beynəlxalq ikili diplom proqramlarının və Azərbaycan Respublikası vətəndaşlarının nüfuzlu xarici ali təhsil müəssisələrində doktorantura səviyyəsi üzrə təhsilinin təşkili və maliyyələşdirilməsindən ibarətdir.

Vəzifə haqqında

Maliyyə meneceri-iqtisadçı vəzifəsinin icrası İdarəetmə Qrupunun fəaliyyətinin, həmçinin beynəlxalq ikili diplom proqramlarının və Azərbaycan Respublikası vətəndaşlarının nüfuzlu xarici ali təhsil müəssisələrində doktorantura səviyyəsi üzrə təhsilinin maliyyələşdirilməsindən ibarətdir.

Maliyyə meneceri-iqtisadçı Azərbaycan Respublikası Təhsil Nazirliyi tərəfindən işə qəbul olunur və Azərbaycan Respublikası Təhsil Nazirliyinin nəzdində yaradılmış “2019-2023 Dövlət Proqramı” İdarəetmə Qrupunun rəhbərinə hesabat verir.

Ümumi öhdəliklər:

- “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı”nın (Dövlət Proqramı) fəaliyyətinin maliyyə göstəricilərinin hesablanması üçün lazım olan məlumatların toplanması və analizi, maliyyə - iqtisadi təhlillərin aparılması;
- Dövlət Proqramının fəaliyyətinin təşkili ilə bağlı maliyyə, büdcə, uçot, tarif və sair siyasətin işlənib hazırlanmasında iştirak etmək;
- Dövlət Proqramı çərçivəsində beynəlxalq ikili diplom proqramlarının və xaricdə doktorantura təhsilinin icrası və İdarəetmə Qrupunun fəaliyyəti ilə bağlı büdcənin, gəlir və xərclər smetasının hazırlanması;
- Dövlət Proqramının icrası ilə bağlı maliyyə ili və növbəti illər üçün büdcə proqnozunun hazırlanması;
- Dövlət Proqramının icrası ilə bağlı İctimai Sektor üçün Mühasibat uçotunun beynəlxalq standartlarına əsasən mühasibat uçotunun təşkili və aparılması;
- Dövlət Proqramının icrası ilə bağlı Büdcə sistemi haqqında Qanuna əsasən rüblük və illik hesabatların, həmçinin İctimai Sektor üçün Mühasibat Uçotunun Beynəlxalq Standartlarına əsasən maliyyə hesabatlarının hazırlanması;
- Dövlət Proqramına və DPİQ-ə aid olan aylıq, rüblük, illik bəyannamələrin və hesabatların (vergi, sosial sığorta, statistika və s.) hazırlanmasına nəzarət etmək;
- Maliyyə sənədlərinin yoxlanılmasında, ödənişlərin həyata keçirilməsinə nəzarət etmək;
- Malların (iş və xidmətlərin) satınalınması ilə bağlı qanunvericiliyin tələblərinə riayət etməklə müqavilələrin hazırlanması;
- DPİQ-ə daxil olan maliyyə xarakterli məktubların icrası;

Tələb olunan göstəricilər:

- Mühasibat uçotu və audit, maliyyə, iqtisadiyyatın tənzimlənməsi ixtisas istiqamətləri üzrə ali təhsil;
- Maliyyə işləri üzrə minimum 2 il iş təcrübəsi, büdcə təşkilatında iş təcrübəsinə üstünlük verilir;
- Elektron Maliyyə proqramlarını işlətmə bacarığı;
- Kompüter biliyi: MS Windows, MS Office (Excel, Word, Outlook) – yüksək səviyyədə
- Dil biliyi: Azərbaycan dili – yüksək səviyyədə, Rus dili və İngilis dili – orta səviyyədə. Qeyd edilən dillər üzrə şifahi və yazı qabiliyyətinə sahib olma;
- Yüksək ünsiyyət və kollektivdə iş bacarığı;
- Təşkilati bacarıqlar;
- Digər tələblər: İdarəçilik qabiliyyətlərinə malik olmalı, Mövcud qanunvericiliyi bilməlidir.

Maraqlanan namizədlər CV-ni mövzu hissəsində İşin adı göstərilməklə dpinfo@edu.gov.az elektron poçt ünvanına göndərməlidirlər. Yalnız seçilmiş namizədlərlə əlaqə yaradılacaqdır.

Müraciət üçün son tarix 30 oktyabr 2020-ci ildir.

Dövlət Proqramı haqqında daha ətraflı məlumat üçün www.dp.edu.az saytına daxil olmaqla əldə etmək olar.