Kreativ Ekspert biznes problemlərini və istehlakçı davranışları ilə bağlı əldə olunan məlumatları fərqləndirici kreativ ideyalara çevirir və həmin ideyaların Bir ekosisteminin müxtəlif istiqamətlərində həyata keçirilməsini təmin edir.

Mətn müəllifliyi ( kopiraytinq ) və konseptual düşüncə sahəsində güclü bilik və bacarıqlara malik olan bu vəzifənin əməkdaşı ona həvalə edilmiş kampaniyaların kreativ ideyasına, əsas mesajlarına və hekayə xəttinə cavabdehdir. O, dizayn, istehsal və digər mütəxəssislərlə sıx əməkdaşlıq edərək layihələrin ilkin brifdən son icraya qədər inkişafına rəhbərlik edir.

Bu vəzifə yüksək səviyyəli mətn müəllifliyi ilə məhdudlaşmır. Kreativ Ekspertdən yalnız sözlərlə deyil, daha geniş düşünmək, vizual baxımdan güclü potensiala malik ideyalar hazırlamaq və Kreativ İstiqamət Rəhbərinin daimi yönləndirməsi olmadan kreativ işləri müstəqil şəkildə idarə etmək gözlənilir.

Vəzifə praktiki kreativ fəaliyyəti, strateji düşüncəni və müxtəlif ixtisas sahələri üzrə əməkdaşlığı özündə birləşdirir. Əsas məsuliyyət yaradılan kreativ işlərin keyfiyyətini, orijinallığını və effektivliyini təmin etməkdir.

Əsas peşəkar və şəxsi kompetensiyalar

Peşəkar kompetensiyalar

• Reklam, brend kommunikasiyası və ya kreativ inkişaf sahəsində mətn müəllifliyi üzrə güclü təmələ malik olmaqla 5 ildən artıq müvafiq iş təcrübəsi.

• İlkin brifdən son icraya qədər kreativ konsepsiyaları müstəqil şəkildə hazırlamaq və həyata keçirmək bacarığının sübut olunması.

• Orijinal düşüncəni, cəlbedici hekayə anlatımını və müxtəlif formatlarda hazırlanmış kampaniya işlərini nümayiş etdirən güclü portfolio.

• Ayrı-ayrı kreativ materiallarla məhdudlaşmayan, müxtəlif formatlarda inkişaf etdirilə bilən ideyalar yaratmaq bacarığı ilə yanaşı, yüksək səviyyəli mətn müəllifliyi və konseptual düşüncə qabiliyyəti.

• İstinad materialları, moodboard-lar və vizual təqdimat yanaşmaları vasitəsilə kreativ istiqaməti ifadə etmək bacarığı və güclü vizual düşüncə.

• Dizayn, motion qrafika, video və rəqəmsal kontent üzrə kreativ istehsal proseslərinin yaxşı mənimsənilməsi.

• Müxtəlif ixtisas sahələrini təmsil edən kreativ komandalar və xarici istehsal tərəfdaşları ilə əməkdaşlıq təcrübəsi.

• Kreativ qərarları istehlakçı davranışları, brend strategiyası və biznes məqsədləri ilə əlaqələndirmək bacarığı.

• Kreativ ideyaları maraqlı tərəflərə (stakeholder-lərə) izah etmək, təqdim etmək və onların rəyləri əsasında təkmilləşdirmək bacarığı da daxil olmaqla, güclü təqdimat və kommunikasiya bacarıqları.

• Mədəni tendensiyalar, yeni kreativ formatlar, rəqəmsal platformalar və müasir reklam sahəsi haqqında geniş məlumatlılıq.

• Azərbaycan və ingilis dillərini sərbəst bilmək; rus dili biliyi üstünlükdür.

Şəxsi kompetensiyalar

• Orijinal düşüncə: Ənənəvi yanaşmaları sorğulayır, gözlənilməz, lakin məqsədəuyğun kreativ həllər hazırlayır.

• Kreativ mühakimə və qiymətləndirmə: Güclü ideyaları tanıyır, onların effektivliyini müəyyən edən amilləri anlayır və daha zəif işlərin necə təkmilləşdiriləcəyini bilir.

• Vizual və mədəni maraq: İlham mənbəyi kimi reklam, dizayn, kino, incəsənət, texnologiya və müasir mədəniyyəti fəal şəkildə araşdırır.

• Məsuliyyət və sahiblik hissi: Kreativ işlərin keyfiyyətinə görə məsuliyyət daşıyır və ideyaların reallaşdırılmasına qədər bütün prosesi izləyir.

• Müstəqillik: Qeyri-müəyyən briflərlə inamla işləyir və daimi nəzarət olmadan əsaslandırılmış kreativ qərarlar qəbul edir.

• Əməkdaşlıq: Müxtəlif ixtisas sahələri üzrə məhsuldar münasibətlər qurur və mütəxəssislərin peşəkar bilik və təcrübəsinə dəyər verir.

• Dözümlülük və çeviklik: Rəylərə, dəyişən tələblərə və kreativ çətinliklərə konstruktiv yanaşır.

• Problemlərin həlli: Büdcə, istehsal və ya icra məhdudiyyətləri ilə qarşılaşdıqda alternativ kreativ həllər tapır.

• Kommunikasiya: İdeyalarını aydın ifadə edir, konkret və tətbiq oluna bilən rəylər verir, kreativ müzakirələrə müsbət töhfə verir.

• İnkişafa yönümlü düşüncə: Kreativ bacarıqlarını davamlı inkişaf etdirir, biliklərini bölüşür və ətrafındakı komandanın iş standartlarının yüksəldilməsinə kömək edir.

• İnkişaf imkanları
• Rəqabətli əmək haqqı və bonuslar
• Yüksək təminatlı sığorta
• Dəstəkləyici mühit
• Visa Premium əmək haqqı kartı
• Korporativ endirimlər
• Korporativ tədbirlər
• Əlavə məzuniyyət
• Güzəştli təhsil və işçi kredit

1. Kreativ konsepsiyaların hazırlanması

• Bir ekosisteminin müxtəlif istiqamətləri üzrə kampaniyalar, məhsul və xidmət təqdimatları, eləcə də brend kommunikasiyası üçün orijinal və auditoriya haqqında əldə olunan məlumatlara əsaslanan kreativ konsepsiyalar hazırlamaq.

• Biznes məqsədlərini, istehlakçı davranışları ilə bağlı məlumatları və strateji brifləri cəlbedici kreativ təkliflərə çevirmək.

• Müxtəlif kommunikasiya kanallarında, formatlarda və auditoriya seqmentlərində tətbiq oluna bilən fərqləndirici kreativ istiqamətlər yaratmaq.

• Kampaniyaların hekayə xəttini, əsas mesajlarını, şüarlarını, ssenarilərini və brendin kommunikasiya platformalarını hazırlamaq.

• Kreativ beyin həmləsi (brainstorming) sessiyalarına rəhbərlik etmək və mürəkkəb kommunikasiya problemlərinin həllinə yeni baxış bucaqları gətirmək.

• Kreativ ideyaları aydın şəkildə təqdim etmək, onların strateji əsaslandırmasını izah etmək və müvafiq rəylər əsasında təkmilləşdirmək.

• Orijinallıqla brendə uyğunluq, biznes məqsədləri və praktiki icra tələbləri arasında balans yaratmaq.

2. Mətn müəllifliyi və hekayə anlatımı

• Kampaniya mesajları, ssenarilər, rəqəmsal kommunikasiyalar və brendli kontent üzrə yüksək səviyyəli mətn müəllifliyi bacarıqları nümayiş etdirmək.

• Brendin kimliyini gücləndirən aydın, yaddaqalan və fərqləndirici verbal ideyalar yaratmaq.

• Məhsul və xidmətlərin üstünlüklərini insanların ehtiyacları, davranışları və mədəni kontekstlə əlaqələndirən hekayə anlatımı yanaşmaları hazırlamaq.

• Əsas kreativ ideyanı qorumaqla mesajları müxtəlif auditoriyalara, formatlara və müştəri ilə təmas nöqtələrinə uyğunlaşdırmaq.

• Digər mətn müəlliflərinin hazırladığı mətnləri nəzərdən keçirmək və onların aydınlığını, ardıcıllığını və kreativ keyfiyyətini artırmaq.

3. Vizual düşüncə və kreativ istiqamətin müəyyənləşdirilməsi

• Kreativ konsepsiyaları vizual üslub, əhval-ruhiyyə, istinad nümunələri, ton və təqdimat yanaşması daxil olmaqla aydın vizual istiqamətlərə çevirmək.

• Nəzərdə tutulan kreativ yanaşmanı əks etdirən moodboard-lar (vizual ilham lövhələri) və istinad materiallarından ibarət təqdimatlar hazırlamaq.

• İdeyaların həyata keçirilməsi üçün dizaynerlər, motion dizaynerlər və istehsal komandaları ilə sıx əməkdaşlıq etmək.

• Dizayn mütəxəssislərinin peşəkar məsuliyyət sahəsinə hörmət etməklə vizual icra üzrə konstruktiv kreativ rəy vermək.

• İlkin kreativ konsepsiya, verbal mesajlar və vizual icra arasında uyğunluğu təmin etmək.

• Müasir vizual mədəniyyət, reklam, dizayn və hekayə anlatımı sahələri üzrə geniş məlumatlılığı qorumaq.

4. Kreativ layihələrə rəhbərlik və məsuliyyət

• İlkin brifdən son icraya qədər ona həvalə edilmiş layihələrin kreativ inkişaf prosesini müstəqil şəkildə idarə etmək.

• Mətn müəllifliyi, dizayn, motion qrafika, kontent istehsalı və xarici kreativ tərəfdaşlar üzrə yaradıcı töhfələri koordinasiya etmək.

• Hazırlanma və istehsal prosesinin bütün mərhələlərində kreativ ideyanın bütövlüyünü və keyfiyyətini qorumaq.

• Kreativ yanaşmanı layihənin müddətinə, resurslarına və texniki tələblərinə uyğunlaşdırmaq üçün layihə idarəetməsi və istehsal komandaları ilə əməkdaşlıq etmək.

• Kreativ riskləri və icra zamanı yarana biləcək çətinlikləri əvvəlcədən müəyyənləşdirmək, əsas ideyanı zəiflətmədən praktik həll yolları təklif etmək.

• Kiçik həcmli operativ kommunikasiya işlərindən tutmuş, bütün ekosistemi əhatə edən inteqrasiya olunmuş kampaniyalara qədər müxtəlif miqyaslı layihələrdə inamla işləmək.

5. Əməkdaşlıq və kreativ mükəmməllik

• Kreativ həllərin real biznes və auditoriya ehtiyaclarına cavab verməsini təmin etmək üçün strategiya, marketinq, məhsul və kommunikasiya kanalları üzrə komandalarla sıx əməkdaşlıq etmək.

• Daxili mütəxəssislərə və xarici kreativ tərəfdaşlara aydın tapşırıqlar vermək, onlarla əməkdaşlıq etmək və tətbiq oluna bilən konkret rəylər təqdim etmək.

• İdeyaların konstruktiv şəkildə müzakirə edildiyi və birgə səylərlə təkmilləşdirildiyi əməkdaşlığa əsaslanan kreativ mühitin formalaşmasına töhfə vermək.

• Rəy bildirmək, bilikləri bölüşmək və birgə kreativ fəaliyyət vasitəsilə daha az təcrübəli əməkdaşların inkişafını dəstəkləmək.

• Güclü ideyalar, düşünülmüş icra və davamlı öyrənmə vasitəsilə Kreativ Studiyanın ümumi kreativ standartlarının yüksəldilməsinə töhfə vermək.

6. Brend standartları və effektivlik

• Yeni və yaradıcı ifadə imkanlarını araşdırmaqla yanaşı, ekosistemin brend platformalarını, kommunikasiya üslubunu (tone of voice) və kreativ prinsiplərini ardıcıl şəkildə tətbiq etmək.

• Kreativ konsepsiyaların və onların icrasının müvafiq brend, hüquqi və normativ tələblərə uyğunluğunu təmin etmək.

• Kampaniyaların nəticələrini anlamaq və təkmilləşdirmə imkanlarını müəyyənləşdirmək üçün strategiya və analitika komandaları ilə əməkdaşlıq etmək.

• Gələcək kreativ işlərin planlaşdırılmasında kreativ effektivlik göstəricilərindən, auditoriya reaksiyalarından və əvvəlki kampaniyalardan əldə olunan nəticələrdən istifadə etmək.

Kapital Bank iş mühiti, əlavə fürsətlər və digər vakansiyaları görüntüləmək üçün Kapital Bank Life səhifəsinə keçid edin.