AGZ MMC Bakı şəhərində yerləşən və premium Avropa tikinti sistemləri və memarlıq həlləri təqdim edən şirkətdir. Şirkət GEZE, Novoferm, Hoppe, Simonswerk, RSA, Dr. Hahn, ABUS və Ultraflex Control Systems kimi aparıcı beynəlxalq istehsalçılarla əməkdaşlıq edir və müasir tikinti layihələri üçün yüksək keyfiyyətli məhsul və həllər təqdim edir.

AGZ LLC tikinti sahəsində developerlər, memarlar və podratçılarla sıx əməkdaşlıq edir. Şirkət avtomatik qapılar,  fasad sistemləri, ventilyasiya və tüstü çıxarma sistemləri, yanğına davamlı qapı-pəncərələr, arakəsmələr, eləcə də qapı-pəncərə aksesuarları və digər qabaqcıl həllər təklif edir. Yerli bazarda etibarlılığı, texniki peşəkarlığı və güclü müştəri əlaqələri ilə tanınır.

Şirkətin inkişaf strategiyasına uyğun olaraq, AGZ MMC kommersiya komandasını genişləndirir və iri həcmli layihələrdə iştirak edəcək, yüksək dəyərli B2B (B2C qismən) əməkdaşlıqları inkişaf etdirəcək təcrübəli satış mütəxəssisi axtarır.

Əsas vəzifələr:
Premium tikinti sistemlərinin developerlərə, podratçılara və memarlara satışı
Tikinti sektorunda yeni biznes imkanlarının müəyyən edilməsi və inkişafı
Əsas qərarverici şəxslərlə uzunmüddətli əlaqələrin qurulması və saxlanılması
Satış prosesinin tam idarə olunması (lead mərhələsindən müqavilənin bağlanmasına qədər)
Fərdi kommersiya və texniki təkliflərin hazırlanması
Məhsul və həllərin təqdimatının keçirilməsi
Texniki komanda ilə əməkdaşlıq edərək optimal həllərin təqdim edilməsi
Bazarın izlənməsi və strateji imkanların müəyyən edilməsi

Tələblər:
B2B satış sahəsində minimum 3 il iş təcrübəsi (tikinti, mühəndislik və ya tikinti materialları sahəsi üstünlükdür)
Developerlər, podratçılar və ya memarlıq şirkətləri ilə iş təcrübəsi
Orta və yüksək dəyərli müqavilələrin bağlanması üzrə uğurlu təcrübə
Güclü ünsiyyət, danışıqlar və təqdimat bacarıqları
Texniki məhsul və həlləri anlama qabiliyyəti
MS Office və CRM sistemləri üzrə biliklər
Azərbaycan dilini sərbəst bilmək mütləqdir, İngilis dili danışıq səviyyədə üstünlükdür.

Təklif edirik:
Yüksək gəlir potensialı olan rəqabətli əməkhaqqı (sabit maaş + limitsiz bonus sistemi)
Hədəflərin aşılması üçün əlavə bonuslar
Premium Avropa brendləri və yüksək səviyyəli layihələrlə işləmək imkanı
Böyük və texniki baxımdan mürəkkəb layihələrdə iştirak
Karyera inkişafı imkanı
Peşəkar və dinamik iş mühiti
İş qrafiki: Bazar ertəsi – Cümə, 09:00–18:00
Ünvan: Bakı, Azərbaycan
Müraciət qaydası:

CV-nizi göndərin: orkhan.a@agz.az