“PAŞA Technology” MMC  “Proqram təminatının mühəndisliyi və bulud tətbiqləri şöbəsinin rəhbəri” vəzifəsi üzrə vakansiya elan edir.

Əsas öhdəliklər:

• Açıq mənbəli və lisenziyalı texnologiyalardan istifadə edərək geniş miqyaslı, təhlükəsiz və səmərəli bulud həlləri üçün proqram təminatını dizayn etmək, hazırlamaq və inkişaf etdirmək;
• Virtualizasiya, məlumat saxlama və konteynerizasiya sistemlərinin arxitekturası üçün proqram təminatı üzrə ən qabaqcıl təcrübələri müəyyənləşdirib tətbiq etmək;
• Şirkətin tələblərinə əsasən ən uyğun bulud həlləri üçün proqram təminatını (AWS, GCP, Azure, OpenStack və s.) qiymətləndirib tövsiyə etmək;
• Bulud orkestrasiya alətləri, bulud əsaslı tətbiqlər və xidmətlərin dizaynı, qurulması və yerləşdirilməsi üzrə inkişaf komandasına rəhbərlik etmək;
• İnkişaf komandasına mentorluq edərək proqram təminatının inkişafı və bulud arxitekturası sahəsində yeni standartlara və qabaqcıl təcrübələrə riayət olunmasını təmin etmək;
• Layihənin uğurla həyata keçirilməsini təmin etmək üçün DevOps, İT və məhsul idarəetmə üzrə çarpaz funksional komandalarla əməkdaşlıq etmək;
• Bulud infrastrukturu və əməliyyatlarının avtomatlaşdırılması məqsədilə proqram təminatı sistemlərin, alətlərin və skriptlərin dizayn və inkişafını təmin etmək;
• Bulud resurslarını optimallaşdırmaq üçün kompleks API-lər, mürəkkəb skriptlər yazmaq və API-lərdən (AWS, GCP, Azure, OpenStack və s.) istifadə etmək;
• Golang və ya Python proqramlaşdırma dillərindən istifadə edərək proqram təminatının inkişaf təşəbbüslərinə töhfə vermək;
• Hibrid və çoxbuludlu mühitləri dəstəkləmək üçün hazırlanan bulud proqram təminatı sistemlərini mövcud infrastruktura inteqrasiya etmək;
• Xüsusi hazırlanmış proqram təminatları oVirt, RHEV və Proxmox kimi virtualizasiya sistemləri ilə inteqrasiya edərək optimal performans və etibarlılığı təmin etmək;
• Kubernetes, Docker, Podman və LXC kimi açıq mənbəli konteynerizasiya platformalarının inkişafına, tətbiqinə və fərdiləşdirilməsinə töhfə vermək;
• Açıq mənbəli proqram əsasında qurulmuş məlumat saxlama sistemlərini tətbiq etmək, idarə etmək və optimallaşdırmaq üçün proqram təminatı və avtomatlaşdırma alətləri hazırlamaq;
• İnkişaf edilən program təminatında KVM və libvirt kimi virtualizasiya texnologiyalarından səmərəli istifadəsini təmin etmək;
• Proqram  arxitekturası (Software architecture) diaqramları, yerləşdirmə təlimatları və nasazlıq aradan qaldırma təlimatlarını da əhatə edən ətraflı texniki sənədlər yaratmaq;
• Hazırlanmış bulud proqram təminatı ilə bağlı problemlərin həllinə rəhbərlik etmək və üçüncü səviyyə texniki dəstək göstərmək.
• Mühəndis-texniki, informatika, informasiya texnologiyaları və ya əlaqəli sahə üzrə bakalavr və ya magistr dərəcəsi.

Tələb olunan bilik , bacarıqlar və təcrübə:

• Açıq mənbəli virtualizasiya sistemləri (məsələn, oVirt, RHEV, Proxmox) ilə proqramlaşdırma istiqamətində geniş təcrübəsi;
• Açıq mənbəli bulud platformaları (məsələn, OpenStack, CloudStack) ilə praktiki proqramlaşdırma təcrübəsinə malik olmaq; 
• Libvirt, KVM və əsas bulud platformalarının (AWS, GCP, Azure) API-lərindən istifadə edərək güclü proqram təminatı inkişafı bacarıqlarına malik olmaq;
• Golang və ya Python proqramlaşdırma dillərində peşəkar bacarıq;
• Mürəkkəb avtomatlaşdırma skriptləri və ssenariləri yazmaq və inkişaf etdirmək təcrübəsi;
• Açıq mənbəli konteyner sistemlərində (məsələn, Docker, Podman, LXC) ekspert səviyyəsində biliklərə malik olmaq;
• Açıq mənbəli proqramla təyin olunan məlumat saxlama sistemləri üzrə güclü bilik və anlayış.

Arzuolunandır:

• Hibrid bulud arxitekturası və çoxşaxəli bulud (multi-cloud) strategiyaları üzrə təcrübə;
• Bulud təhlükəsizliyi üzrə ən yaxşı təcrübələr və uyğunluq standartları haqqında bilik;
• Proqram təminatının inkişafı sahəsində beynəlxalq şirkətlərdə iş təcrübəsi;
• Açıq mənbəli platformaları (məsələn, OpenStack) və ya proqramla təyin olunan məlumat saxlama sistemləri üzrə sertifikat;
• Red Hat, AWS, GCP kimi sertifikatların olmasına üstünlük verilir;
• Kubernetes və ya Ansible kimi orkestrasiya alətləri ilə təcrübə;
• Əlavə proqramlaşdırma dilləri üzrə bilik (məsələn, Bash).
• Azərbaycan, Rus və İngilis dilində səlis danışıq.

Elanlar birbaşa Whatsapp-a gəlsin: Whatsapp kanalımıza abunə olun!

Vakansiyalardan daha tez xəbərdar olmaq üçün Telegram kanalımıza abunə olun!